Wednesday, October 04, 2006

أنا.. والبلوج دي..

أنا... والتدوينة دي
بعشق امل دنقل ..
أخيرا اشتريت اعماله الكاملة
..
عيناك لحظتا شروق ..
أرشف من بنهما المحروق ..
قهوتي الصباحية ..
علي جوجل، كنت بدور علي اي اعمال منشورة علي النت ..
جاب لي نتايج كتير ليها علاقات ومالهاش علاقة خالص ..
لقيت حاجة اسمها bloggبتاعة علاء الدين
مكتوب انه بيقرا امل دنقل وصلاح جاهين وعم حداد
وبيانات عنه ..
ومنه لبلوج تاني تجربة لعمر مصطفي
قريت لقيت دنيا تانية من المزيكا
لقيته كاتب عن بنوتة قمراية، جزائرية:سعاد ماسي
ولينك لاغنية (دنيا وزمان)
سمعتها،واتمتعت ..بوستر الالبوم اللي كان حاطه عمر ..
عند عمر لقيت لينك شباك ،وردتك ولو شباك تملي حياتي تراب..
ساعتها كانت الtag بتاعة اكتر حاجات بتخليك سعيد
عجبتني جدا...
جامدة كانت ردود الناس ..
والاحلي كانت تفاعل الناس مع بعض ..
ساعتها كان موضوع اعتصام القضاة
واسلوب تعامل الحكومة ورجالتها مع المعتصمين
بقيت بتابع الاخبار والجديد من هنا،
لون ولف،وسماح موزياك،وغادة سامحوني والتنين البمبي،واي زي،وبلوج الكلمة، كريم عمر، واللي بتلون الدنيا بحدوتتها رحاب بسام
ومن هناابتدي الكلام ..